الرئيسيةالبوابةمكتبة الصوراليوميةس .و .جبحـثالتسجيلالأعضاءالمجموعاتدخول

شاطر | 
 

 الفصل الثاني / من قصة قريب رغم البعد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المتألقة
مديرة المنتدى
مديرة المنتدى
avatar

انثى عدد الرسائل : 404
العمر : 29
العمل : طالبة
تاريخ التسجيل : 04/08/2007

مُساهمةموضوع: الفصل الثاني / من قصة قريب رغم البعد   21.08.07 4:25

الفصل الثاني :

جنا : مبرروووووووووك رغد ..
رغد : مبروووووووووك علينا كلنا ..
جنا بزعل : بس النسب متى تطلع ؟؟
رغد : طلعت ..
جنا : من جد ..والله .. طيب وين ؟؟
رغد : والله في النت .
جنا : طيب كم آخذتي ؟؟
رغد : 88.56%
جنا : مبروووك . يلا مع السلامة أطالع نسبتي.
رغد : أنا على النت
ومن غير ما تكمل ..جنا برجاء طيب شوفي . .. pleas
رغد : ما اعرف رقمك .. كم رقمك ؟؟
جنا بسرعة : 01010027.
رغد : بشويش..بعد 010100
جنا : 27 ها كم ؟؟
رغد : لحظه ثواني .. جالس يفتح ..
جنا : وش طلع .. بسرعة ..
رغد : خلاص فتح .. نسبتك
جنا: إيه كم ؟؟؟
رغد : 97,56% مبرووووووووووووك جنو.
جنا ساااااااااااااكته مو مستوعبه صح هالكلام اللي تسمعه ولا في حلم ..
رغد : جنا .. جنا .. وين رحتي ؟؟
جنا بصوت ممزوج بفرح وبكا : رغد من جد ؟؟ لا تمزحي .
رغد : والله .. والله طلعتي دافوره من ورأي .
جنا : هههههههههههههههThanks رغود... يلا بروح ابشر الأهل .
رغد : وين رايحه ؟؟ تتهربي .. وين الحلاوة ؟؟
جنا : موواااااااه .. في أحلى منها ..ههههههههه
رغد : لا .. يلا بآي.
جنا قبل ما تسك الجوال يممممممممممه يممممممممه وتزل على الصالة الكل كان يطالع على الأخبار ..
خالد : يمه اسمعي بنتك المصفوقه تنادي .
أم ماجد : خير وش في ثاني ؟؟
جنا وهي تحب رأس أمها : جبت 97,56% يمه و تنطنط ( مرجوجة )
الكل : ألف مبروووووووك
خالد : هب عليك 97% مره وحده .
جنا : الله واكبر .. الله اكبر ولا تنسى 56من ميه ..
الكل : هههههههههه
جنا آخذت التلفون ودقت على لما ..
جنا : الوو مين عادل ؟
عادل : الو .. جنا كيف الحال ؟؟
جنا : بخير ..وين لما ؟؟
عادل : ألف مبرووك .. لما .. تعالي جنا على التلفون .
لما : ها جنا ..
جنا : قولي مبروك .
لما : على إيه ؟؟ بسوي زيك ..
جنا : نسبتي 97,56%
لما : ألف مبروك جنو .
جنا : خلاص عبي نفسك الخميس الجاي الحفلة
لما : الحمد الله ما يمدي فساتيني تضيق .
جنا : بتلبسي قديم .
لما : لا عندي فستانين ما بعدي لبستهم
جنا : احسب
لما : عندنا كم جنو .. يلا بروح اتغدا
جنا : أكيد الحين تأكلين لنفرين .
لما : حرام عليك .. يلا مع السلامة
جنا : ههههه بالعافية. مع السلامة

جنا الدنيا من الفرحة مو شايلتها ... خلاص بتنام وهي مرتاحة .. بس أي راحة .. ما بعد فاتحتهم في الموضوع .. بعد الحفلة بتفتح الموضوع ولي يصير يصير..

بعد الغدا:
خالد مد يده وفيها الجوال يناوله جنا : خذي سماح على الخط
جنا : آهلين بزوجه اخوي .. وينك يا لقاطعه من زمان عنك .
سماح : موجودة وينك أنتي ؟؟ مبروووووك عقبال الدكتوراه
جنا : الدكتوراه مره وحده ... سماح الخميس معزو معه على حفلتي أنتي وخالتي .. تعالوا
سماح : إن شاء الله .. خذي أمي
....................
بعد المغرب .. دق الباب .. وراحت ريني (خدامة) تفك الباب الداخلي ...
ماجد : ها ك خذي حطيها في الفريزة ( كيك آيس كريم * باسكن روبنز*)
دخل ماجد و أهله وحب رأس أمه ..
حسام : يده يده .
أم ماجد : أخذته في حضنها.. هلا بعيون يده
باسل : وين جنا ..؟؟
أم ماجد : اطلع ناديها .
وطلع باسل :عمه ..عمه جنو .
جنا تفك الباب : مين بسول .. وتسلم عليه .. وش جابك ؟؟
حسام باستغراب : جيت مع بابا وماما .
جنا تضحك .. على رده .. وتمسك يده .. وتنزل الصالة .
جنا : هلا ماجد ..
ماجد : هلا جنا مبرووك .
جنا : عقبال بسول و حسوم .. إلا سمر وين كعبول ( تقصد حسام لأنه دبه وابيض يشبه كعبول ) ؟؟
سمر: كعبول مره وحده .. توه طلع الحوش .
وتمسك حسام بيده وتطلع الحوش .
جنا : كعبول.. كعبوووووووول وينك ؟؟
ستي ( خدامه) : هنا جنب سجره.
وتأخذه جنا .. وهات بوس ذي العادة لين يصيح ..وحسام لما يصيح تقولوا صفارات إنذار.
خالد من الشباك : جنا .. شيلي هالجن داخل
خالد كان شكله مفجر ( شعره منكوش بقوة من النوم ) جنا ههههه والصغار معاها يضحكون خالد بعصبيه : ما في شي يضحك.
جنا بضحك : متأكد طالع نفسك في المرايا .. ههههههههه.. كنت تضااارب.
خالد دخل يطالع نفسه في المرايا وضحك .. قال : عندها حق جنا
ريني : جنا ماما يقول تعال داخل في كيك حق انتا
جنا : مين جاب ؟؟
باسل : حنا جبناها .
جنا : من جد.. وشالت حسام.. وباسل مشي خلفها ..
في الصالة .. على طاولة الطعام .. في كيك شوكولاته شكله مرررررررره حلوووووو وشهي على شكل دب في يده ماسك شهاده ولابس طاقية التخرج لونها بني فاتح ( نسكافيه ) ومزينه بالتوفي ..
كل العائلة موجودة باستثناء : لما و أبو ماجد ..
جنا دخلت الصالة .. وقربت من الطاولة.. وصرخت وعينها على الكيك : هذا عشاني.
ماجد : إيه عشانك .
جنا : مشكور يا خوي .
سمر : هذا ذوقي .
جنا : مشكورة سمور.
خالد : يلا آبي آكل.
جنا : أنا أول ... قطعت الكيك وأعطت كل واحد قطعه في صحن .
وفي هذه الثواني .. دخل أبو ماجد ..
أم ماجد : هلا والله أبو ماجد .. وناولته صحنها وفيه قطعة كيك .
أبو ماجد : حفله من غيري .
جنا .. حبت رأس أبوها : ما في حفل من دونك
أبو ماجد : إيه واضح
الكل :هههههههههههه
.............................
بعد يومين على الغدا ...
جنا : يمه ..جهزي حالك الساعة 5 .
خالد : يومين وأنت تدورين في الأسواق ما في شي؟؟
أم ماجد : ما يعجبها العجب .
جنا : يمه اخذ شي مو زين..
أبو ماجد : كل هالاسواق ؟؟
خالد : عندي فكره
جنا : وش هي يا أبو الأفكار ؟؟
خالد : البسي فستان ملكتي حلو عليك .
أبو ماجد : إيه صح طلعتي حلوه .
أم ماجد : صح وليدي ( هم وانزاح عنها المسكينة )
جنا وهي تطالعهم : هااااااا ما آبى البس فستان قد لبستوه من قبل
خالد : مين شافك ؟؟
جنا : رغد .
أم ماجد : رغد مو غريبة
جنا صوتها تغير:لا آبي فستان جديد .. وقامت من الكرسي .
أبو ماجد : اجلسي كلي وما يصير إلا اللي تبينه... وجلست جنا ..
خالد : مدلــــــــــــعه .
جنا تمد لسانها : غيراااااااااااان .
...............................
وفي السوق ..
جنا : يمه افصل أحسن .
أم ماجد : شيلي الفكرة من بالك ..ما في وقت ... تعالي شوفي ها لفستان .
دخلوا .. كان عبارة عن بلوزه توب لونها اصفر ليموني وفيها اخضر تفاحي مطرزه تطريز خفيف وطبعا من غير أكمام , التنوره عبارة عن مناديل من اللونين ودرجه ثانيه من الأخضر.
جنا : يمه .. وش رائك ؟؟ حلو؟؟ آخذه ؟؟
أم ماجد : حلو ..
البياع : شو انسه أجبلك S؟
جنا : يمه .. مو مقتنعة ..
أم ماجد للبياع : لا شكرا .
البياع : المحل محلك .
وخرجوا من المحل .. وطلعوا الدور الثاني .. وفي المصعد
جنا : يمه .. هذا اللي أدور عليه.
أم ماجد : أي واحد .؟
جنا : تأشر بصبعها اللي في LAURA ASHLEY
ودخلوا .. الفستان سنبل مرررررره لونه لحمي على بمبي الفستان ضيق بذيل وفتحه كبيره عند الصدر ومطرز على حواف الصدر من نفس اللون ومن غير أكمام..
جنا : يمه .. ابغاه
أم ماجد : فتحة الصدر مو كبيره
جنا : لا مو كبيره .. وما في غيره عجبني..
أم ماجد : آخر كلام ..
جنا : آخر كلام ...
وأخذته.. وفي السيارة..
أم ماجد : الحمد الله خلصنا .
جنا : يمه .. آبي ALDO وخلصنا بعده.
أم ماجد : وش تبين بALDO هذا بعد ؟؟
جنا : افا يمه .. نسيتي الصندل ..و الشنطه .
أم ماجد : عنده نفس اللون .
جنا : إيه شفته أمس .
أم ماجد : أمري إلى الله.
جنا : علام (السواق)ارجع شارع التحلية .
علام : ليه ميروح أول ؟؟.( هو قبل مركز التحلية )
جنا : روح بلا كلام زايد .
..................................
قبل يوم الحفله ..
خالد : سماح أمر بكرى أخذك أنت وخالتي .
سماح : بروح مع محمود ( السواق )
خالد : محمود أحسن مني ؟؟
سماح : never بس ما آبي أتعبك
خالد : تعبك راحة ... متى أمر ؟؟
سماح : جنا بتروح متى؟؟
خالد : بتروح بدري أكيد مو صحبة الحفل .
سماح : 10 زين؟
خالد : لا 9 أحسن .
سماح : بدري ؟؟
خالد : لا مو بدري أوركيدا ( الفندق اللي في الحفل ) بعيد.
سماح : كلها ربع ساعة ونوصل .
خالد : الطريق زحمه ..
سماح : 9... 9..اتفقنا .
..................................
جنا منسدحه فوق السرير.. وماسكه الجوال تلعب Puzzle ( أحب هاللعبه ).. طالعت الساعة اللي بيدها .. تأشر على 2 .. الوقت متأخر لازم أنام .. حطت الجوال على الكمودينا اللي جنبها ( المفروض الجوال في الليل يكون بعيد أو مقفل لان في حوادث كثيرة صارت بسببه ).. وسكت النور.. وتتقلب .. نسيت المناكير .. لا اخذته من لما.. كيف بمر الحفل .... وبعد صراع نامت ..
.................................
صباح الخميس ..
جنا قامت بدري .. وبعد الفطور..
أم ماجد : جنا .. جنا..
جنا بصعوبة : هنا يمه.. ما تقدر تفك فمها .. الماسك نشف ..
أم ماجد تدخل الغرفة .. وتشوف جنا مسترخية على الكرسي .. والمخده خلفها .. ووجهها مو باين منه إلا عيونها.. والماسك لو تشوفوا لونه ((رمادي على اسود ))
أم ماجد : وش اللي على وجهك ؟؟
جنا تأشر بيدها على فوق التسريحة.. الماسك ..
أم ماجد : أنت و هالخرابيط .. وجهك وش حلاته ما يحتاج .
وتخرج أم ماجد ..
خالد : صباح الخير يمه .
أم ماجد : صباح الخير وليدي... وتنزل أم ماجد.
و يدخل خالد : هههههههه شوفي وش على وجهك تراااب .. وش سويتي منتي حلوه ... غسلي أفضل .
وجنا عيونها تشع نااار ودها تصارخ فيه بس الماسك .. وتقوم على الحمام تغسل وجهها وهي بعد ما خرجت .. خالد : اطلع برى الغرفة .. اطلع
وخالد ولا حياة لمن تنادي .. وتأخذ المنشفة بعد ما مسحت وجهها.. تضرب خالد با لمنشفه اطلع .. لا تلمس عطوري..
وخالد .. مثل الصخره ولا حركه... ويلعب بالعطور ..
جنا .. عصبت : ما اتفهم ..
خالد : يلعب بشعرها فهمنا فهمنا .. وخرج
جنا: تسك الباب بقوووووه
خالد : وجع كسرتيه ..
جنا تفك الباب : مالك دخل .. وتسكه ثاني ..
.................................
وبعد الغدا ..
جنا لابسه العباية .. خالد : على وين ؟؟
جنا : على الصالون .. يلا لا نتأخر ..
خالد : بعد الشاي ..
جنا : أي شاي ؟؟!! خالد ما يشرب إلا على الفطور أو مع الرجال مو بعد الغدا .!!
وتجي ريني بكوب وتحطه قدامه ...
خالد : شاي اخضر .. قرأت في المجلة .. وايد مفيد على الصحة .. والاهم .. يشيل البطن ..
جنا : جسمك حلو .
خالد : عشان المستقبل .. قصده بعد ما يتزوج .
جنا : إيه صح ... خالد ..ليش الرجال يمتنون بعد الزواج .. طالع عادل و ماجد.. وكثير غيرهم .
خالد : راااااااااااااااحه نفسية .
جنا : وحنا نكد .
خالد : بالنسبة لك وحدك .
جنا : يا هو يا واثق ..
خالد حط الكوب : يلا على السيارة .
...........................
الساعة 7..
خالد : جنا انتهيت أمرك ..
جنا : إيه مسافة الطريق .
خالد : أنا في الطريق ... ربع ساعة وانزلي .
جنا : ok.
خالد دق على سماح يأكد على الساعة 9 ..
سماح : عندك شي ..
خالد : إيه معزوم عند الربع ومآبي أتأخر عليهم ... يلا حبيبتي أتركك تجهزي .
سماح : مع السلامة .
وصل خالد .. ونزلت جنا ..
جنا : خالد سماح متى تروح ؟؟
خالد : أنا بوصلها .
جنا : مصيبة ما تفوت .. أي لحظه ..
خالد : يا ويلك لو علمتيها
جنا : الحين أدق .. هبل ما راح أقولها ... ها وأنا أقول لمين الهدية ؟؟
خالد : شفتيها؟؟!! أنا حاطه في الخلف .. يمه عيون .
جنا : من يوم ما طلعت وأنا شايفتها ..
خالد : وش رأيك ؟؟
جنا : التغليف روووووعة .. وش داخلها ؟؟ ما اعلم .
خالد : خخخخخخخخخ لا تحاولي مني معلمك .
جنا باستهزاء : الله يخليك .. علمني .. علمني... تصدق بموت ..
خالد : كنت بعلمك .. وتقاطعه جنا.
جنا : وش داخلها ؟؟
خالد : مو بعد الاستهبال..
ووصلوا البيت .. ونزلت جنا ..
خالد : جنا ..
جنا : وش تبي ؟؟
خالد : لا تزعلي ؟؟ عشان ما علمتك ؟؟
جنا : عادي .. مو زعلانه .. سماح تعلمني ..
خالد : لو تعرفي ؟؟
جنا : وش؟؟
خالد يغني : كل شي بوقته حلو .. يا حلو ..
جنا : اطلع اطلع .. بدل لا نتأخر .
خالد باستغراب : نتأخر ؟؟
جنا : إيه .. توصلني وتروح تمر على سماح..
خالد : ورأي ورأي .
................................
عادل يقرا جريده : لما خلصت ..
لما : ثواني وأجهز..
عادل : وين الشنط ؟؟
لما : عندك في المدخل .
عادل : انزلها تكون جهزت ؟؟
لما : إيه ..
عادل اخذ الشنط وحطها في السيارة .. ونزلت لما ..
لما طول الطريق ساكتة ..
عادل : حبيبتي وش فيك ؟؟
لما : مضايقة شوي .
عادل : حاسة بتعب ..ا وديك الدكتور ..
لما تغير صوتها : لا لا.. ما يحتاج.. مو تعبانه .
عادل وقف السياره على جنب .. لف وجهه جهتها .. مسك يدها .. ها لما حبيبتي وش فيك مو طبيعيه ..
لما بتصيح : أول مره .. تروح وتتركني ..
عادل طاااااير من الفرح : صج هذا اللي مضايقك ... كلها أسبوع عشر أيام وراجع.. حبيبتي .. أحاول ما أطول .. أول ما ينتهي المعرض راجع ..
لما : أسبوع .. عشر أيام .. والله كثير ..
عادل : طبع بوسه على كفها .. وعلي أكثر .. وحط يدها .. وكمل الطريق ..
وصلوا البيت ..
عادل : علام .. علاااام .. تعال دخل شنطه .
وفك باب السيارة للما .. ودخلوا داخل .. وهي ماسكه يده ..
لما : ستي .. وين أمي وجنا ؟؟
ستي : كلوا فوق يلبس .
لما : اطلعي نادي أمي.
وطلعت ستي ..
عادل : لما .. لا تنسي تأكلي وتأخذي الدوا في مواعيده ..
لما وهي ماسكه يده .. وعينها بالأرض : طيب.
عادل : رفع رأسها بأصابعه .. السفرة ضرورية .. ما تبيني أسافر ما أسافر ..
لما تقاوم دموعها لا تطيح : تروح وترجع بالسلامة ... وفي هاللحظة
سمعوا صوت أم ماجد .. عادل : لما .. وين الابتسامة .؟؟
سلموا على أم ماجد .. عادل : وش هالزين عمتي ؟؟
أم ماجد : صج عادل ..
لما : صج يمه ..
أم ماجد : الله يخليكم ..
عادل : وين عمي وخالد ؟؟
أم ماجد : عمك في المسجد .. وخالد فوق.
ودع عادل زوجته وأمها .. وخرج ..
جنا : هلا لمو.. كيفك ؟؟ كيف الببو ؟؟
لما : الحمد الله... وش هالزين..
جنا لابسه الفستان اللحمي مجسم جسمها .. وشعرها مسويته غجري .. و الميك آب لبناني (( العيون بارزه والفم فاتح لميع )) ولابسه حلق غجري بعد .. طالعه زي ممثلات هوليوود
جنا : أخذت تدور .. صج ؟؟
لما : صج.
أم ماجد .. تقرا على بناتها ..
خالد من غرفته : يمه.. جنا .. خلصتوا
جنا : إيه .. وتبغي تقوم بس أمها ماسكتها .. يمه خلاص... خلاص ... وأم ماجد تأشر بيدها يعني شوي.. وطلعت .. دخلت غرفتها .. لبست العبايه .. ونظره على المرايا .. قمر قمر .. وأخذت الشنطه .. وهي خارجه من الغرفة .. خالد داخل وفي يده الهدية ..
خالد : تفضلي.
جنا : لي !!؟؟
خالد يلتقت يمين ويسار : في احد غيرك .؟؟
جنا : حبت خده مشكووووووور خلود ... وأخذت الهدية .
خالد : إن شاء الله تعجبك .
جنا : كفاية التغليف رووووعه .. وتقول لسماح ..
خالد : ما آبي أخرب المفاجأة.
جنا : أحلى مفاجآه .. والله خلود .. تعرف تسوي مفاجآت .. دخلت الغرفة .. تبي تفتحها .. ويرن الجوال.
جنا : هلا رغود .
رغد : وينك ؟؟ كلنا موجودين إلا أنت ؟؟
جنا : يلا خارجه من البيت... وتحط الهدية غصب عنها ... متشوقة تعرف وش هي .. على السرير وتخرج ..
.....................
يتبع

_________________




عدل سابقا من قبل في 21.08.07 4:28 عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almotaliqa.ahlamontada.com/index.htm
المتألقة
مديرة المنتدى
مديرة المنتدى
avatar

انثى عدد الرسائل : 404
العمر : 29
العمل : طالبة
تاريخ التسجيل : 04/08/2007

مُساهمةموضوع: رد: الفصل الثاني / من قصة قريب رغم البعد   21.08.07 4:25

وفي السيارة .. خالد .. دق على سماح ..خالد : هلا سموحه ..
سماح : هلا خالد ..
خالد : خلصت ؟؟
سماح : إيه من نص ساعة .
خالد : مسافة الطريق.
سماح : ok.
شوي ويدق الباب ..
سماح : مين ؟؟
خالد : أنا ..
سماح تفك الباب باستغراب : خالد .
خالد : إيه خالد .. وعيونه بعينها.. بوقف على الباب .
سماح استحت : حياك تفضل .. ثواني بس.
خالد : سماح .. على وين ؟؟
سماح : البس عباتي ..
خالد : مسك يدها وجلسها.... آبي اجلس شوي معاك ونروح .. خالتي خلصت ؟؟
سماح بابتسامه : إيه .. وقفت ..
خالد : حراااام عليك ..
سماح : علي ؟؟!!
خالد : كل هالزين وما ودك اجلس شوي .. أمتع عيني ..
سماح استحت وجلست ..
..........................
في الحفل ..
الكل : جنا .. تأخرت ..
جنا : so sorry .. الطريق زحمه .. لا تأكلوني .
الكل : يلا نلبس روب التخرج ..
ولبسوا أرواب التخرج عشان المسيرة ... الأرواب لونها كحلي وداخل اللون الفضي .. معطيها .. فخامة وجمال ..

وانطفأت الأنوار.. واشتعلت الشموع ..و بدا الشعر ..و بدأت المسيرة..
كل الأهل والأحباب بانتظار الخريجات .
وانفتح الستار..كل وحده منهم أحلى من الثانية .. كل وحده شعاع النجاح يضئ منها..
كل أم وأخت تأشر بيدها ..
وانتهت المسيرة بانتهاء الشعر..
ثم آتى طبعا دور الطقاقه .. ورقصوا الخريجات .. الحفل وايد حلو .. والكل مبسوط..
وفجأة ..
جنا .. جنا ..
جنا : نعم سارة .. وشوشة سارة جنا ..
جنا : عن إذنكم ..
وطلعت سارة وجنا الجناح.. وفي الدرج ..
جنا : ليش تصيح ؟؟ وش فيها ؟؟
سارة : افتكرت .. وبدأت تدمع ..
جنا : سارة .. حبيبتي .. وش في ..؟؟
سارة تمسح دموعها : افتكرت .. أمها .
جنا : واااااااه أمول .. الله يرحمها ويسكنها فسيح جناته ..
وصلوا الجناح .. صوت صياح .. الكل .. يهدا في أمل ..
أمل وهي تصيح : كان .. ودها .. ودها .. .. ااااه تشوفني ... وأنا اااا ... متخرجة ..بس اااه .. ماااتت .. المرض .. المرض ما رحمها .. اميييييييي .. ويـــــــــــــــــنك ؟؟.. أخذها .. أخذها قبل .. ما تشوفني .. أنا .. أنا .. وحيدددتها .. ااااااااااااااه وتصيييييييييييييييييح .
أمل وحيدة أمها .. ماتت قبل سنتين .. بسبب ورم خبيث في الصدر.. اكتشفوا المرض متأخر .. والعملية ما نجحت .. فتوفت في غرفة العمليات .. و أمل جالسه الحين مع جدتها و أبوها .
الكل تأثر من كلامها .. الكل صاح .. واخذوا يهدوا في أمل .. والحمد الله هديت بس بعد ما كل الميك آب قد راح ..والعيون تورمت ..
أمل : سامحوني .. نكدت فرحتكم .
الكل : وش هالكلام ؟؟ احنا .. صديقات .. يلا أمول..
ونزلوا.. ورقصوا .. وبعد العشا .. ودعوا بعض .. وسلموا على بعض .. وطبعا لازم من الأفلام الهندية ..
........................
خالد : وين جنا ؟؟
أم ماجد : جايه ورآنا ..
وثواني ويحرك خالد السيارة ..
أم ماجد : لما دقي استعجليها .
تدق لما .. جنا .. تسمع الرنة .. تدور على الجوال في الشنطة .. وهي تمشي في المواقف .. في حجره صغيره .. وتتعنقل بيها .. وتطيح على وجها .. آآآآآآآآآآآه .. والشنطه والأغراض اللي فيها تتناثر على الأرض.
و شاب قريب منها : خير أختي .. ويمد يده يلم الأغراض .. ويناولها الشنطة ..
وجنا ترفع رأسها تشوف هالشاب من هو ؟؟ وهي ترفع وجهها .. تطيح الطرحة عن وجها .. من غير ما تشعر..
والشاب وجنا .. تقابلت أعيونهم .. ثواني .. ويرن ثاني الجوال ..أخذت جنا الشنطة ..ونزلت رأسها وقبله عينها .. و غطت وجها .. وقبل ما تنتهي الرنة ..
جنا بصوت مليان صياح : الو.
لما : وينك ؟؟
جنا تصيح : طحت أأأأأأه .
لما : وين ؟؟
جنا : بداية الموقف ..
لما : الحين اجي .
الكل : وش فيها .؟؟
لما : جنا طاحت .. بروح أجيبها ..
سماح : لا أنا انزل ..
خالد : لا أنت ولا هي .. أنا وين رحت .. أنا نازل أشوفها ..لما وين طاحت ؟؟
لما : تقول بداية المواقف .
ويروح خالد .. ويشكر الشاب .. الشاب ما تحرك لين جا خالد وقومها من الأرض ..
خالد ماسك يد جنا : جنا .. سلامتك كيف طحتي ؟؟
جنا وهي تبكي : ما ادري.. والله فشله .. وش يقول ؟؟
خالد : لا باين عليه وايد محترم ... ما راح يعلم احد ..هههه
جنا : باااااايخ ... مو وقتك .
خالد : لا صج حاس مو معلم احد .
جنا كانت بتقول انو ه شاف وجهها بس هونت : إيه والله صاج .. لم كل أغراضي اللي طاحت من الشنطه .
ووصلوا .. السيارة ..
الكل : سلامات .. ما تشوفين شر.
..............................
أم ندى .. ندى صديقة جنا .
أم ندى : وينك محمد ؟؟ ليش تأخرت ؟؟
ندى وسهى أختها : لنا تلت ساعة واحنا نستناك ؟
محمد : و ليش ما نزلتوا المواقف ؟؟
ندى : والله أنت قلت لا تنزلوا .. أنا أخذكم من الباب ؟؟
محمد : إيه .. زحمه المواقف .. اركبوا السيارة بس.
وطول الطريق .. ساكتين .. ومحمد .. ودوا يلطف الجو..
محمد : أمي .. شلون الحفل ؟؟
أم ندى : وااايد حلو.. ومنظم ..
محمد : بس اللي محليه ندى .
سهى : و سهى بعد .
ندى : تسلم اخوي .
محمد : و سهى بعد .. أكـيــــــــــــــــد مو أخت ندى .
أم ندى : ما شاء الله كل البنات حلوين .. ها وليدي ما نويت الزواج ؟؟
ندى : عينك على مين يمه ؟؟ مين ؟؟ أنا واسطة ..
أم ندى : وليدي محمد كل بنت تتمناه .. بس هو يأشر .. ويقول .
سهى : هبه حلوه .. وأريج بعد حلوه ..
أم ندى : لا .. ميتين نحف .. عشان كدا يعجبوك .. (( سهى دبه شوي ))
ندى : لا .. أحلاهم بعدي طبعا .. جنا .
أم ندى : إيه والله جنا خوش بنت حلوه وزينه .
ومحمد .. يفكر .. البنت اللي شافها وحده منهم .. ولا لا ؟؟ كيف يعرف مين هي ؟؟
كيف ؟؟
سهى : هاا محمد .. وش فيك ساكت ..
محمد .. ما سمعها .. سرحااااان ..
سهى جالسه خلفه .. تدقه بيدها : محمد .. محمد .. وين رحت ؟؟
محمد : ولا مكان .. معاك.
................................

اليوم الثاني .. في الظهر .. دخل أبو ماجد غرفة جنا .. يطمن عليها ..
أبو ماجد : ها جنا كيف رجلك ؟؟
جنا : الحمد الله .. بس توجعني شوي .
أبو ماجد : تأخذ كم يوم وتروح .. أهم شي انك ما تحركيها كثير..
جنا : ان شاء الله يبى ..
أبو ماجد خرج من الغرفة .. جنا على طول .. قامت من السرير .. في هدايا كثير ما شافتها أمس ... أول ما وصلت .. أمها دهنت رجلها .. ونامت من التعب .. والحين الفضول شادها .. يلا أطالع هدية خالد .. الله جاب أرنوب رمادي ضمته لصدرها .. و كلونيا من شانيل .. رائحتها وايد حلوه .. وفي كيس صغير وبداخله ..هدية من لما .. ساعة عاجبتها من أول .. شافتها في المجلة ... وفي كيس ثاني بس اكبر منه.. شافت الكرت .. طلع من خالتها وسماح .. أسواره أبلاتين وفيها ياقوته في منتصفها .. و أشارب من ديور .. وعلبه مغلفه من مين ؟؟... إيه اكيد من ماجد وسمر ....وفتحت العلبه..بداخلها جوال N80 .. لون اسود .. جنا ياااااااسلالالالالام .. ويدي بيه من يوم ما طلع .. وتدور على جوالها وين ؟؟ وين حطتها ؟؟ وين الشنطة ؟؟ وهي تدور ..
دخل خالد : جنا .. جنا وش كل هالهدايا .. ما اذكر يوم أتخرجت وصلتني هدايا بهالكثر .
(( عنده حق أرضية الغرفة كلها علب .. أكياس .. أوراق تغليف .. والهدايا نفسها .. غير الهدايا الثانية اللي بعد ما فتحتها من صديقاتها ))
جنا : طبعا يا حبيبي .. أنا غير .. أنا جنا .. مو خالد ..
خالد : حركااااااات مين أهداك الجوال ؟؟
جنا : اخوي ماجد .. الله يخليه لي .. وين الجوال ؟؟
خالد : شوفي وراك .. وش فيك ؟؟
جنا : لا جوالي القديم .. آبي اخرج الشريحة .. يمه يمه ..
خالد قرب منها وحط يده على فمها : لا تنادي وتصارخي .. أمي نايمه .. شال يده .
جنا تطالع الساعة اللي بيد خالد : الساعة وحده .. واليوم جمعه ناااااااايمه ؟؟!!
خالد : ما نامت أمس إلا ما بعد اطمنت عليك ونمتي يالدبه .. ورتبت أغراضك بعد .
جنا : يا عمري يا يمه .. خالد .. إيه دق على جوالي ..
ودق .. مرة .. واثنين .. وثلاثة .. وما سمعوا شي ... جنا : وين راح ؟؟
فتحت لما الباب وشافت جنا قالبة الغرفة فوق تحت وجت ترفع الشنطة بيدها إلا خالد غمز لها : جنا ليش الغرفة مقلوبة .
جنا : لما ما شفتي شنطتي وين أمي حطتها آبي جوالي ..
لما : لا ما اعرف ... لما بعيونها تأشر لخالد .. أعطيها .. خالد .. لا لا .. خليها شوي .
خالد : طيب نجرب بشريحتي ..
جنا : لا قلبيييييييييييي .. ما فيش ؟؟ عطني .. عطني جوالك .. وتسحبه من يده .
خالد : عطيني .. جنا تدق على جوالها ..
خالد : لما ارمي الشنطة ..
جنا تطالع لما ... لما ناولتها الشنطة .. جنا بعصبيه : معاك من أول ؟؟
لما تبرر موقفها : كنت بعطيك بس خلود .. قال نلعب معاك شوي .
جنا : معفنين .. الكل : هههههههه
.........................
وعلى الغدا ..
أبو ماجد : لما .. ليش ما تاكلين ؟؟
لما : مو مشتهيه .
خالد : إيه .. إيه .. بس أكيد .. هو اتغدا .
لما استحت .. وتطالع لخالد .. يعني اسكت أحسن ..
أم ماجد : لازم عشان الدوا ..
لما تغصب نفسها وتأكل .. على بيض .. الكل قام .. وهي الشوربة بعد ما خلصت ..
وبعد الغدا ..
لما طلعت عند جنا .. ودخلت الغرفة .. وجنا ما حست عليها .. قربت لما .. ولوحت بيدها على عيونها ..
لما : إلا مأخذ عقلك يتهنى بيه..
جنا : مين يا حصره .. بس أقولك حاجه ما تقولي لأحد ؟؟
لما : قولي .. سرك في بئر ماله قرار ؟؟
جنا : شاف وجهي ..
لما : مين ؟؟
جنا : الشاب اللي لم شنطتي ..
لما : كيف شاف وجهك .. وأنت مغطيه؟؟ .. أكيد الطرحة خفيفة .. كم مرة أقلك غيريها .
جنا : لا .. مو من فوق الطرحة .. من غيرها ..
لما : بسرعة قولي بتفصيل اشلون ؟؟
وتحكي جنا للما كيف طاحت .. وطاحت الطرحة .. وكيف شافوا بعض ..
لما : طيب .. وش شاغلك بيه ؟؟ عجبك ؟؟
جنا : الصراااااااحة .. وسيم .. وكفاية ساعدني .. موقف شهم .. لو غيره كان مات ضحك .. أو مشي وسابني ..
لما : إيه والله .. أنت طحت على وجهك على طول ..هههه
جنا مقهوره : لا .. أخذت يمين أول .. وش رأيك ..؟؟ بس الحمد الله مافي كدمات على وجهي .
لما : خلاص .. انسي .. وفكري الحين وين تقدمي جامعة أو كليه ؟؟
جنا : لما أنا ما آبي ادرس هنا ..
لما باستهبال : اجل وين يا حبيبتي ؟؟
جنا : برا .. كندا .. بريطانيا .. أمريكا .. أي دوله بس مو هنا .
لما : أنت تحلمي .. من صجك .؟
جنا : إيه .. صج .. وليه ما ادرس برا ؟؟ وش فيها ؟؟
لما : لا ما فيها شي عادي .. مين بروح معاك .. لا تنسي أنت بنت ... مو ولد ؟؟
جنا : ولو بنت .. يعني ما ادرس ؟؟
لما : أنا ما قلت ما تدرسي .. بالعكس ادرسي بس هنا عندنا ..
جنا : لو أكمل حكمل برا ..
لما : أمي تعرف الموضوع ؟؟
جنا : أنت أول وحده .. لما ساعديني أقنعهم .. pleas .. أنا طموحي ادرس .. وراثة وهي مو موجوده هنا .. الله يخليك ..
لما : أقنعيني أول ..كيف تروحي .. بروحك؟؟ .. وين تسكني ؟؟ كيف.... وكيف...؟؟
مو لازم أنا .. اهم شي امي وابوي .. ومن عندي .. لا تتعبي روحك ما راح يوافقوا فمن قاصرها .. اختاري قسم ثاني ..
جنا : لازم تساعديني .. أنا اختك الصغيرة ؟؟
لما : ولأنك .. أختي .. وحبيبتي .. خايفة عليك .. والله مو سهل ..
جنا تصيح : آبي ادرس برا ...
لما : ليش تصيحين ؟؟ اسكتي لا أحد يجي .
وبالفعل .. دخلت أم ماجد : وش فيكم ؟؟ وتشوف جنا تبكي .. خير جنا ؟؟
جنا ودها تقول بس الوقت مو مناسب : يمه رجلي توجعني .
أم ماجد : تروح عند الطبيب ؟؟
لما : ما يحتاج كلها يومين وتطيب .
جنا : إيه .. إيه .. كلها يومين وتطيب .
.........................
محمد .. مشغووووول باله .. البنت .... البنت واااااااايد حلوه .. وأحلى شي عيونها .. رغم إنها تملاها دموع .. بس تسحر .. تجذب ... ودي .. اعرف مين هي ؟؟ كييييييييييييف .. إيه عند ندى الجواب .. اشلون ؟؟ اقلها .. شفتها .. لا .. لا ما يصير .. إلا .. ما في طريقة ثانية .. وخرج من غرفته .. إلى غرفة ندى ..
.......................
نهاية الفصل الثاني ..

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almotaliqa.ahlamontada.com/index.htm
 
الفصل الثاني / من قصة قريب رغم البعد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الكتب والقصص والروايات :: منتدى القصص-
انتقل الى: